Lucien Febvre

Lucien Paul Victor Febvre (Nancy, 1878ko uztailaren 22a - Saint-Amour, 1956ko irailaren 11) frantziar historialaria izan zen.

École normale supérieureen ikasi zuen, batez ere historia eta geografia. Lehen Mundu Gerran parte hartu zuen eta, amaitzean, irakasle izan zen Estrasburgon, non Marc Bloch ezagutu zuen. Elkarrekin sortu zuten Annaleen eskola. Gertaera historikoak testuinguru geografiko, psikologiko eta kulturalean kokatu behar ziren.

1933an katedra bat lortu zuen Collège de Francen. 1930 eta 1940ko hamarkadetan argitaratzen jarraitu zuen, gerrak bere lana eten zuen arte. Bloch hil ondoren, Annalekin jarraitu zuen. Fernand Braudel izan zuen ikasle eta Gizarte Zientzietako Goi Mailako Ikasketen Eskolako sortzaileetako bat izan zen. Wikipediatik informazioa lortu